eve

شعر حب قصير رومانسي للعشاق

من أجمل أبيات شعر الحب بروح رومانسية لكل عاشق مغرم بحبها وحبه.
كلمات حب في قوالب شعرية بعبارات حب قصيرة لكل رومانسي يهيم حب وغرام وبروح العشاق يتنفس.

شعر حب رومانسي قصير

لناس ما تدري وش اللي ورانا
وما كل شيٍ داخل القلب ينقال

نعطيهم الضحكة ونخفي عنانا
نسكت ونحمد ربنا بكل الاحوال
~~~~~~~~~~~~~~~~~~~~~
‏كمل غيابك ما عليك عتاب ؟
انا كذا ولا كذا .. مجروح

محبتك محبة الكذاب
اللي يقضي حاجته ويروح
~~~~~~~~~~~~~~~~~~~~~
‏العلاقة : ميته .. والحبايب : عايشين
والشعور اللي يجمع مشاعرنا : بهت
َ
لو تعديتك .. يرجعني لـ دربك : حنين
ولو تناسيتك ترى ذكرياتك : ما سهت
َ
أصعب أنواع العلاقه .. نكون معلقين
لا رجعنا : مثل أول .. ولا حتى أنتهت .
~~~~~~~~~~~~~~~~~~~~~
‏تصدق أني بعد هذا العمر مانسيت
حتى لو إن الكلام اللي نطقته كبيرٍ

سويت نفسي ما يعنيني غلاك ومشيت
رغم إن دمْعي عشانك مثل دمع الغرير

ما كنت أبين لك أني منتظرك وبكيت
لكن بينت لك ماعاد أعرف المصيرٍ

ولو أني دايم عن اللي فالحشى ماحكيت ؟
الدمع سوّلف لك من الحزن ماله ضميرٍ .
~~~~~~~~~~~~~~~~~~~~~
‏معاد عندي شي اخسره و احاتيه
لي عام مدري ويش اسوي و فاضي

مليت .. دلوني على شي اسويه
انا بـ كل الاحتمالات .. راضي
~~~~~~~~~~~~~~~~~~~~~
‏مادام العمر مهو باقي و لا ملحوق
مابين الجهات الأربع .. جيت متّجهك

فإذا شفتني مقبل وأنا في عيوني شوق
تراني من الهجران و البعد في وجهك.
~~~~~~~~~~~~~~~~~~~~~
‏أجاهد غيابه والطواري وضيق البال
وأردد عسى مايكرهه خاطري خيره

ولكن غلاه بكل حالٍ من الأحوال
عذاب الخفوق الصعب وأجمل مقاديره

عليه السلام وخالص الود والأجلال
وعلي الهيّام أخفيه ويلوح تأثيره
~~~~~~~~~~~~~~~~~~~~~
‏نظراتك اللي ما لها لجلي حدود
فـ أهلا وسهلا فيك ، فرصه سعيده

كن خلفها ميقاف شيخان وجدود
وفيها علامه لـ الحياه الرغيده

هذي ثلاث ابيات فـ عيونك السود
والله ماعندي وقت أكتب قصيده 🙂
~~~~~~~~~~~~~~~~~~~~~
‏لا شفت أحد طاح لا ترمي سكاكينك
الوقت دوّار لا تشمت : ولا تضحك
ٰ
بكرة إذا طحت والدمعة ملت عينك
بتشوف منهو يجي يضحك على جرحك..
~~~~~~~~~~~~~~~~~~~~~
‏راحو بلا موعد وغابت ملامحهم
مايوجع الصد لكن توجع الذكرى
~~~~~~~~~~~~~~~~~~~~~
‏خلك معي أقرب من الشوف للعين
و ابقى معك مثل العيون و نظرها .
~~~~~~~~~~~~~~~~~~~~~
‏تـسوين بـ عـيـوني ثـمانـين زيَّـه
أنثى .. ولكن عن ثمانـيـن رجال

أعشق هبوب أهدابك الساحليّه
ملـحك يملَّح يا بحر صبح الآمال

بلِّي على وجه ( الملامح ) شويّه
حبيبتي يا شيخة أجيال وأجيال

أنتي خمائل بسمـتك ( مُخمليّه )
وبرائـتك تشـبه سواليف الأطفال
~~~~~~~~~~~~~~~~~~~~~
‏انا لي خفوقٍ ما يشده خفيف القلب
يحب الثقيل اللي صعب تلتفت عينه
~~~~~~~~~~~~~~~~~~~~~
‏أنا أعرف أصد لكن صدتي مرّة
ماهي بـ صدة ثلاث أيام و أعوّد !
~~~~~~~~~~~~~~~~~~~~~
‏لو رجع عمري ؟ برجع أبتديك ؛
يشهد الله انك أجمل ما حصل !
~~~~~~~~~~~~~~~~~~~~~
‏البندق اللي دون عازتها تثور
إن سامها مطفوق وافق سومته

مثل الرفيق اللي على الرفقه يجور
إن قلت له ي فلان ثقّل قومته ..

الله يبعدنا عن قصار الشبور
والحر نعرف مرقبه من حومته

جنب عن اللي دون حمله مايثور
وخلك مع اللي ينومسك في زومته
~~~~~~~~~~~~~~~~~~~~~
‏والله انّي في محبّتـك إكتـفيت
والسعاده في وصالك تـستـمر

انت ما تدري بشعوري لا حكيت ؟
كلمةٍ منّـك .. تكـفّيني عُـمر
~~~~~~~~~~~~~~~~~~~~~
‏ماكنت أنعزل واثر إنعزالي غدااا روتين
وعن نشدت العربان .. جوالي اصصكه

بلاش العتب واللوم.. ياربعي الغاالين
لايلحقكم إن غبت وتباطيتكم شككه

دولاب الليالي كنه السيف أبو حدين
وخشمي من أشغالي ماني قادر احككه
~~~~~~~~~~~~~~~~~~~~~
‏والله انك نادر اوصاف وان مالك شبيه
جعل عينٍ ما تحبّك يطاولها العمى.
~~~~~~~~~~~~~~~~~~~~~
‏‏ليت ماله في ذرى صدري مجال
وليت لاجا الليل ما يطري علي
~~~~~~~~~~~~~~~~~~~~~
‏راعي الردى وشلون تعرف مواريه
كل ما لقى كفو من الناس عابه
~~~~~~~~~~~~~~~~~~~~~
‏مالله هداني ابتعد عنك وانساك
وما الله هداك تزورني ونتصالح
~~~~~~~~~~~~~~~~~~~~~
‏لا يذعرك … بنـدق قليل التبسّام
شمّر ذراعك لـ الوضوء والسعاده

المسجد المسجد معاسير الأحلام
تـتحقق فـ سجدة …. قوي الأراده

ربك كريم …. و فوق الأكرام أكرام
يكرمك ربي …. بـ الطهر والعباده

إن جيهمت … خلك كثير التجهَّام
وأتـرك مداميـع الحزن بـ الوساده
~~~~~~~~~~~~~~~~~~~~~
‏انا دخيل الوقت يكتب لنا وقت
من بين ساعاته نبي بس ساعه
ٰ
لحظة لقى واقول شكرا تصدقت
” على فقيرٍ لايع الفقد لاعة “..
~~~~~~~~~~~~~~~~~~~~~
‏أضحك مدامك عارفٍ كبر قدرك
ولا تخلّي الناس تبحث خوافيك

والضيقه اللي خيّمت وسط صدرك
يا جعلها والله ، فيني ولا فيك
~~~~~~~~~~~~~~~~~~~~~
‏يالله دخيلك من طعون المناقيد
ومن غلطة العاقل وقل المروّه

ومن كلمةٍ تفهم على غير ماريد
يمسك طرفها منْك خبلٍ مفوّه

شعر حب قصير رومانسي للعشاق

إغلاق